父親節禮物? – 手錶 (3Y6M) – 27.06.11

父親節都冇特別同陶晢爸慶祝, 因為爸爸實在太太太忙, 幸好主角一點都不介意…

呢晚, 媽媽陪晢晢睇書, 其中一本叫<母親節。父親節>, 睇到其中一頁講到小朋友做咗一隻手錶送畀爸爸做父親節禮物, 晢晢又怱起條筋要做一隻畀爸爸! 媽媽當然冇異議~!

呢晚晢晢的表現, 其實是有點驚喜的~! 是關媽媽是真的任他自由發揮! 拎咗一大堆材料出嚟就任由他創作! 完全冇比過任何意見或教他如何造! 唯獨拎咗爸爸隻錶比佢做參考~! 晢晢竟然懂得從一大堆材料中挑選三角型卡做錶玉, 紙條做錶帶, 又仔細到識得喺錶帶上拮個洞. 用瓦通紙條做錶帶針, 又畫上花紋, 還有加上字母貼紙做裝飾… 選材恰到好處!!! 最最最驚喜, 是錶面上的數字! 全部都是晢晢親手寫的!! 媽媽完全冇半點協助!!! 真的好SURPRISE!!!

媽媽讚晢晢個『2』字寫得好靚, 佢就寫多一個~!

上面深藍色的是錶帶針, 下面有一點特別大的晢晢拮了個洞~!

錶玉畫上了長短針~! 晢晢正在為錶玉點上的刻度~!

完成了! 100%晢晢自家製作! (其實錶玉後面晢晢還模仿爸爸的手錶, 畫上了ARMANI的標誌, 可惜媽媽忙了拍照…)

人家小朋友一早學會寫字, 或許會覺得晢晢作品沒甚特別~! 但晢晢小手肌一向比較遜色, 所以媽媽從來冇急於要晢晢執筆寫字, 怕佢有挫敗感 (平日都只是做學校的線條練習和玩玩泥膠等, 冇特別要佢練字)… 呢晚晢晢竟然寫得出如此像樣的數字, 實在萬分驚喜!!! (乜我個仔識寫字o既咩!???)

而整個活動都睇到晢晢觀察力比過往強好多! 許多細節如錶帶上的針和洞, 錶玉上的刻度, 以及錶玉背面的標誌… 通通都留意到並模仿出來!!! 媽媽是衷心的讚:『好犀利啊!』

晢晢對自己的作品都好滿意啊~!

等到爸爸返嚟, 晢晢就立刻送上手錶作為父親節禮物! 爸爸知道是晢晢(真正)親手做都覺得晢晢好犀利呀~!

不過話雖係父親節禮物, 但第二朝臨出門口返學時晢晢又堅持要拎隻錶送畀老師… 或許爸爸媽媽(太過)讚口不絶, 晢晢飄飄然的, 返到學校見到校長, 書記, 老師都分別講一次『隻錶我整架!』… 真係笑C人…  到放學, 隻錶已經唔見咗, 或許老師已收下佢份『厚禮』…

做媽媽真易滿足, 一份手作仔, 寫幾隻字就開心成咁...