仲有一日陶陶就9個月大咯~!
上課情況:
前庭訓練活動時依然玩得好開心
! 有一突破係陶陶呢堂終於有意識捉住『搖搖板』的扶手! 識得保護自己最緊要~! 
於感觀房媽媽冇再刻意每項活動都玩晒, 反而由得佢自己選擇佢想玩的~! 陶陶就揀咗喺有一條條垂落的膠簾前逗留(有點似一條條垂落的幼電線), 陶陶邊拉扯邊大笑, 玩得十分開心~! 另外陶陶都有爬到有燈制按的玩意前, 媽媽刻意唔話佢知有制可按, 但陶陶好快就發現有得按制令其閃閃發光, 好叻女啊
~! (小記: 喺感觀房陶陶示範了她的『龜式爬行』, 姑娘話因為佢身重所以肚腩會貼著地爬… 仍需努力
…)
終於到集體活動時間, 呢日各BB似乎心情特別靚, 喺等候其間, 各BB竟然有交流
!! 圍埋一堆的你摸下我, 我拍下你, 你『嗯』下我, 我『吖』下你… 場面好溫馨~! 連姑娘都話呢班BB表現好好! 因為好少見全部BB都主動同其他BB玩~! 
到點名時間, 今堂明顯地各個BB都較過往投入! 姑娘叫完其中一個名, 其他BB就會主動拍手
!! 有些更加上歡呼
(其中一個係陶陶…), 個個都好開心呀!!!
今堂其中一個親子遊戲係『小飛機』, 媽媽雙臂分別托住BB的心口和雙腳(BB面向地下), 然後媽媽前後的搖讓BB好似小飛機般飛, 其間BB要懂得抬高個頭望向前先叫合格(用以鍛鍊頸部力量!)… 陶陶表現, 不過不失, 最主要影響佢表現係因為媽媽唔夠力
(真係好重呀
!!!)… 不過陶陶真係好鍾意玩, 要停低時衰妹仲嫌唔夠喉扭計!!! 好在只係『嗯』兩聲, 之後又被接下來的活動吸引~!
下一個遊戲係『擺積木』, 姑娘將約1.5 x 1.5寸的積木散滿一地, BB就要『執』起然後『擺』入籃中… 其實『擺』呢個指令陶陶一早已經做到, 但喺PG呢D咁多嘢吸引佢注意力o既環境就一如媽媽所料
… 陶陶一直只掛住玩籃上的黃色星星扣, 一個都唔肯擺, 媽媽見呢d練習可以喺屋企再做, 所以都冇再迫佢, 由得佢玩算咯…
臨落堂最後一個遊戲係『暖風機』, 姑娘開著一部暖風機吹向每個BB, 讓佢哋感受『暖』呢個温度~! 試過先知, 原來大部份BB被暖風吹到都會驚! 只係個個表達的反應不同! 有些會碌大對眼
, 有些會撲向媽媽, 有些會調頭走(爬), 有些直頭喊咗出嚟
… 而陶陶呢就選擇『定格』, 不過兩秒後已放下戒心主動伸手去摸, 果然爛玩妹! 
洗完手就準備食茶點, 今堂食細細粒的星星餅! 開始見到陶陶的小進步, 會嘗試用兩隻小指頭夾起星星餅並放入口中, 只是10粒裡得2-3粒能順利食到… 唔緊要, 繼續努力~!
今堂多咗好多BB的笑聲! 氣氛好好! 大家都要加油啊!!!
沒有留言:
張貼留言