陶。晢。愛。這個家: 陶陶。10個月的發展

眨下眼陶陶就10個月大喇! 短短幾個月裡陶陶發展迅速, 可是媽媽郤沒有有系統地一一紀錄, 現在只有零碎的記憶, 趁未忙記得太多, 要好好紀錄一下!

手部動作: 已經會say hi (wave hand), say bye (open & close hand), clap, hooray, 聽到『抱抱』會舉起雙手… 全部約7個月大時已做到~! 早幾日就學識咗fly kiss, 會放隻手喺咀巴, 『啜』一聲, 但就未識『飛』出去, 還有最近又突然學識咗『喂』, 大人一叫『喂』, 陶陶就會放隻手喺耳邊扮講電話, 超可愛~!

聽指令: 『畀畀』, 『擺擺』… 5個多月已會做, 現在是駕輕就熟咯~! 進階版, 陶陶已懂得玩滑坡車, 能準確地放車仔到埉小的滑坡架上, 手眼協調能力不錯~! 更感到意外是, 陶陶係好清楚自己放得準確與否, 每次看著小車滑落才會拍手歡呼, 否則會拎起小車轉角度再試過, 態度認真, 一點都不馬虎~!

小手肌: 雖然食小曼頭等細小食物仍輪輪盡盡, 但媽媽仍然覺得陶陶的小手肌發展得不錯的, 因為陶陶約7個月大開始, 看書時已經會用前二指一頁一頁的揭書~!

語言: 這個是媽媽最想紀錄的! 僅10個月的陶陶, 已經會好清楚叫『媽媽』, 『呢呢』(=奶奶) 和『mum mum』, 而且不會叫錯!! 例如不會叫錯食物做『呢呢』或叫錯奶奶做『mum mum』, 也不會叫錯其他人做『媽媽』!!

而且更開始出現簡單句子, 例如『媽媽, 呢呢呀!』, 每次都懂得先稱呼媽媽, 然後才表達訴求!! 一直冇刻意教過, 但自己郤突然會說, 媽媽感到很驚訝!!!

此外, 陶陶間中都會說『婆婆』(望著婆婆叫的), 『姐姐』(望著Ciki姐姐叫的), 『哎吔』(跌咗嘢落地時叫的), 『係呀』, 『嗲嗲』, 『打打』, 『曳曳』… 不過這些就不太肯定是否有意識地說還是咁啱得咁橋咯~!

情緒/表達: 情緒發展依然很穩定, 出生以來, 除了頭兩個月因為吃人奶吃不飽而經常哭泣之外, 從未試過無顧嚎哭! 就算哭叫, 通常抱下, 找件玩具畀佢或出絶招(=食物)很快就會停止~! 此外, 陶陶亦很少發脾氣, 總會有她的方法表達訴求, 例如有一晚跌了奶咀在地上, 她就向著爸爸, 用楚楚可憐的聲線長叫一聲『噢…』, 然後望望地下, 示意爸爸執返畀佢~! 又例如半夜扎醒, 陶陶亦不會哭叫, 每次都只會站在床邊, 輕輕的拉媽媽的衫袖然後叫:『媽媽』, 有時媽媽刻意唔理佢佢都只會繼續叫:『媽媽』或『媽媽, 呢呢呀!』, 多久都不會大吵大鬧… 媽媽覺得她這些表現… 很… 可愛得來又有點『成熟』(懂性)…