呢堂媽媽太遲紀錄, 忙記咗大半喇…
其中一個集體活動係『捐隧道』, 一條長的, 一條短的, 因為陶陶仍然爬到成隻龜咁, 媽媽怕佢阻到人
, 所以先揀咗條短的試試佢, 好在順利通過
~! 完成level 1, 見level 2 的 BB都玩咗一次, 又有部份扭計唔肯入去, 媽媽就大膽地放陶陶入長隧道, 估唔到又順利通過
(雖然速度唔快!)
另一個活動係試玩不同玩具, 有按按鈕的, 有用手撥的, 有拉的, 有推的… 全都對訓練小手肌和手眼協調有幫助! 陶陶現時喺屋企主要玩積木, 泥膠, 疊疊杯, 滑坡車和波子居多, 按鈕的反而冇, 媽媽物色中…
到茶點時間, 今堂食香蕉, 姑娘教咗一個搣香蕉的方法可以令BB食得『企理』d, 果然不錯! (方法係先切開一半, 然後將蕉皮環狀的搣下, 剩下一節可以讓BB手握的蕉皮位置! 咁搣法一來BB食得乾淨d, 而且又冇咁易斷開! 掂!
)
開始時媽媽係有點擔心的, 因為陶陶係從未試過成碌香蕉咁拎住咬
(通常都會用匙更刮融畀佢食), 但見人人都咁食, 姑娘又冇提供匙更, 於是就膽粗粗試下, 誰不知陶陶表現出乎意料之外, 佢竟然識得一小啖, 一小啖的咬, 又會咀嚼完一輪先吞, 更識得吞咗先咬下一啖! 個樣超老積!!! 
沒有留言:
張貼留言