一探就40.3度… 女… 你唔好嚇我…
陶陶7月28日(星期四)晚開始持續發燒, 因為一直只徘徊38-38.6度, 又冇任何不適(除發燒外, 依然食得, 瞓得, 玩得), 媽媽就不以為意, 諗住只係『吽牙』或『發骨節』, 所以冇帶陶陶睇醫生, 只餵佢食退燒藥及觀察…
一直要keep住每4個鐘餵一次退燒藥先控制到發燒情況, 直至星期六中午, 陶陶吃過退燒藥後出了一身大汗, 媽媽以為病情已告一段落, 便大膽的帶埋陶陶去街街(睇哥哥合唱團表演), 可是到完場時陶陶又再次燒起嚟, 回家用探熱針一探!! 是39度
!!! 媽媽立即望一望鐘, 是7:40pm!!! 因為附近的醫生大部份都是8點關門, 媽媽便立即推著陶陶跑到診所!! 臨出門口著晢晢要聽Ciki姐姐話, 晢晢回應一句:『哦! 我會乖架啦! 我好擔心陶陶啊!
』, 媽媽都嚟唔切答晢晢便一支箭的衝出門口… (當時爸爸仍未回到家)
話雖『附近』, 但跑都要15分鐘才到…
身水身汗的跑到第一間兒科… 關門了
再跑到令一間較相熟的… 都關門了
隔離果間… 個醫生比黃綠更黃綠
得返最後一間… 是夜診的, 從未睇過… 揀無可揀之下, 唯有揀呢間… 可惜8點去到, 要等到9點先有得睇… 唯有上婆婆家等…
等候期間, 陶陶依然高燒, 但精神仍然不錯, 亦冇半點扭計
! 媽媽仲諗住睇完睇生可以返屋企! 誰不知一見醫生, 一探, 嘩!!! 已經燒到40.3度!! 連醫生也嚇得大叫:『我未見過BB燒到咁高!!!』後來醫生再仔細檢查:『燒得咁高, 一定係受感染, 但檢查過佢耳仔, 鼻, 喉嚨都冇發炎, 最大可能係尿道炎或其他器官感染, 我而家寫紙畀你, 你即刻帶佢去屯門醫院急症室, 放心, 佢燒得咁高, 加上有我呢封信, 唔會等好耐…』
媽媽聽到要入急症當堂嚇一跳!! 加上抱住一個火爐般熱的陶陶, 真的差點喊出來! 媽媽立即致電爸爸著他執齊証件及衣物
, 然後乘的士到樓下會合再到急症室!
到了急症室, 分流的護士開了3ml退燒藥給陶陶, 媽媽已解釋陶陶是大碼B, 由6個月開始已經要食5ml才有效
, 可是對方郤拿出什麼<指引>出來, 向媽媽說明跟據指引9個月大只可開3ml, 那都沒辦法… 結果等候的幾個小時裡, 陶陶一點燒都退不到
!!! 媽媽只能不停用濕毛巾替她抺身…
輪後號碼不算後, 可是其間又有搶救case, 最後等了4個小時才可見醫生!!
檢查了耳鼻喉, 驗了小便, 照了肺… 完全驗唔出任何受感染徵狀, 醫生說:『佢一定係受感染先會發高燒, 但暫時check唔到邊範, 而家唯有開d一般感染會用到的抗生素畀佢食, 如果發燒情況控制到即代表有效, 否則就係其他問題, 要再檢查過…』然後下一句:『你想留院觀察定返屋企觀察??』媽媽立即回答:『返屋企!』… 就這樣, 爸爸媽媽拎完藥就一齊返屋企, 望一望錶, 已經是半夜2:45 了… 
到第二天(星期日), 本來報咗名參加曹公潭day camp, 可惜因為太攰, 又唔放心陶陶, 所以都泡湯了… 呢日陶陶的燒仍然反反覆覆, 不過只係微燒…
到星期一早上仍然有燒, 而且開始忟爭, 時時尖叫, 媽媽知道佢係好唔舒服, 但又仍然睇唔出任何病徵, 只好繼續餵抗生素…
到星期二, 早上終出現紅疹, 媽媽著婆婆帶陶陶睇兒科, 確診患上『玫瑰疹』, 仲話燒多兩日就會冇晒事~! 放工返到屋企, 陶陶成身都佈滿紅疹, 十足十一隻梅花鹿! 又忟爭得好厲害, 連最愛的洗白白都邊洗邊尖叫, 狀甚可憐…
不過d疹來得花亦去得快, 第二天早上已退得7788, 心情亦靚返好多, 大家都放心晒
~!
雖然為了陶陶生病大家都很累很累, 但又感恩燒咁多日只係忟爭咗兩日, 胃口, 情緒等一直都冇咩異樣, 而且又好快好返, 總算大幸…
陶陶:『睇下我~! 病咗咁多日都冇瘦到就知我冇晒事啦~! Keke
』
小心保重
回覆刪除