呢日係星期一, 即係最多暑期班上的一天
, 晚上放工返到屋企已感到晢晢好攰, 但又未至於瞓得著, 於是媽媽就安排一d較靜態(又唔駛點用腦
)的活動…
玩米…
隨意喺米缸舀兩杯米放喺托盤就開始玩咯…
媽媽事先聲明, 要識得控制自己, 不可隨意撥散d米, 就算唔小心掉咗一粒喺枱都要立刻執返放回托盤上! 晢晢十分自律, 一一做到! 
玩法其實很自由, 時而寫下字, 時而堆高, 時而舖平… 但大部份時間其都只在給晢晢感受下接觸下… 晢晢形容:『d米硬嘅, 尖嘅, 拮喺手有少少痛嘅, 涼嘅, 乾嘅…
』(原來晢晢已學會不少形容詞了…) 還有, 晢晢話:『d米煮熟咗會變咗飯嘅…』 (但一問之下, 原來晢晢係唔知粥都係由米煲出嚟架~!
)
看似無聊, 但忙碌的工作(上課)後, 玩返d輕鬆嘅活動其實都不錯~! 起碼, 大家都很享受… 晢晢和媽媽靜靜對坐著, 不經不覺就玩了大半個鐘…
直到爸爸回到家, 要收檔了, 媽媽就同晢晢一齊將米用袋裝好, 然後第二天煮咗嚟食, 一d都冇浪費~! 
沒有留言:
張貼留言