一識企, 就時時都要企, 仲要不停彈彈彈彈~!
又一次遲來的驚喜
我家陶陶B終於喺9個月零兩星期大
識得自己企起身啦!
其實婆婆話喺好耐之前已經見過好多次陶陶自己企起身
但媽媽直到呢日先真正見證到
咁唯有當呢日先學識啦~!
人家3個月識轉身
6個月識爬
7個月識企…
陶陶? 所有有關大肌肉的發展都遲過人…
咪因個身太重囉…
媽媽冇咩擔心嘅
只係等到頸都長晒啫~!
小記: 有一晚好好笑, 半夜陶陶扎醒咗喺床怪叫, 媽媽背住佢瞓諗住佢唔喊就由得佢, 聽佢『咿咿呀呀』咗一段時間, 媽媽終忍唔住諗住偷偷地望吓佢做緊乜, 誰不知一轉身就見到陶陶個大頭
(因為佢企咗喺度)!!!!, 佢個頭嘅位置跟媽媽個頭嘅位置距離不足1寸! 媽媽當堂嚇到心都離埋(好在冇大叫)!!! 點諗到夜麻麻面前會有個頭架!!?? 傻間間的陶陶喺微弱嘅光線下見到媽媽嘅臉孔即報上微笑
(反應比媽媽好好多~!), 然後……… bul口水… 雖然無覺好瞓, 但又覺得好心甜~!
哈哈
回覆刪除