是日星期日, 見都有一段時間冇一家人親親大自然, 而且咁啱嫲嫲又想入嚟大西北探吓兩粒孫, 就問吓晢晢想去邊度玩
!? 結果晢晢答:『我想坐牛牛車呀!
』… 咁快就幫我哋做好決定, 好啦, 就順應民意去大棠荔枝園坐牛牛車啦
~! 中午等晢晢學完結他及剪頭髮後就拿拿聲打的出發咯~! 
其實大棠呢一年內都嚟過好幾次, 但『一家四口』咁大陣象就只係第1次, 加上呢次有嫲嫲作伴, 可以幫手看吓陶陶, 媽媽就可以親自陪晢晢去爬繩網, 坐牛牛車… 過往從未試過呢~~~
媽媽身手比晢晢更『屎』!!! (其實媽媽都幾怕高, 但為咗個仔…頂硬上!
)
媽媽第一次單獨陪晢晢坐牛牛車呢~!
(爸爸負責影相, 陶陶就交由嫲嫲照顧咯~!
)
玩咗一輪, 成朝冇瞓過o既晢晢終頂唔住… 暈了… 
媽媽趁空閒跟陶陶合照~!
嫲嫲當然都唔執輸呢~! (陶陶笑得好甜啊~!)
畀晢晢瞓咗一小陣, 因為仲有好多項目未玩, 爸爸就決定利誘晢晢起身! 當晢晢聽到去騎馬馬, 即(扮)精神起嚟大叫:『好呀! 去騎馬馬
』, 但叫完就好似耗盡元氣似的, 眼神散渙地伏喺爸爸肩膀上
… 好好笑~!
先去餵馬馬, 晢晢一d都唔怕走近d馬, 但就話:『好核凸呀!』
排咗好耐先輪到晢晢, 幸好佢好有耐性等啫~! 
(因為佢覺得騎馬好有型吖嘛~!
)
趁仲未到, 同爸爸影張合照先~!
晢晢:『睇吓我幾有型~!』
到最後重點節目~ 摘士多啤利!
今次由嫲嫲, 爸爸及晢晢負責摘, 媽媽就負責照顧陶陶~! 不得不讚, 陶陶真係好乖, 一直坐喺BB車上(良久)都冇扭過計, 只係笑咪咪安靜地四處張望, 令媽媽可以好relax咁享受吓大自然, 真乖女~!
收穫豐富~!
下巴的那一滴… 看似很滋味啊~!
玩到太陽伯伯落山, 就call的士離開, 呢日玩得好開心, 但媽媽喺噴咗蚊怕水下都咬到成腳『蚊難』
! 下次都要做足點防蚊措施喇
~! (據聞有隻organic的防蚊膏, 找找資料先~!)
沒有留言:
張貼留言