早前晢晢學校正在教不同的職業, 其中一個是『廚師』, 而書本中的『廚師』正是一個麵包師父~!
年初六的晚上, 媽媽放工回到家, 喺屋企吽足一日的晢晢一見到媽媽就嚷著:
晢晢:『媽咪, 我想做廚師, 整麵包呀!』
一頭霧水的媽媽:『吓, 點整呀?』
晢晢:『我想玩麵粉呀!』
哦~ 原來想玩麵粉… 估唔到咁耐冇接觸過, 又會突然忽起條筋想玩
!? 好在放喺廚櫃那包『相信已過期的』麵粉仍未掉, 見你喺屋企吽咗一日咁慘, 就同你玩吓啦~!
已經3歲的晢晢, 媽媽唔想就咁畀d粉你玩吓就算, 所以過程中媽媽不斷要求晢晢講出對麵粉的感覺, 藉此考考佢對形容詞的運用, 表現唔錯啊~!
『麵粉未加水係乾o既~!』
『太多水喇, 黐立立o既~!』
『舊麵粉團係軟o既』
『麵粉而家未熟, 要煮熟先食得架!』
(略...)
此外, 當然都要考考晢晢的小肌肉能力, 時而要佢搓長條, 時而要佢搓成一塊塊『餅』… 咁就玩咗半個鐘~!
而且整過遊戲過程都由晢晢一手包辦, 包括加水/加麵粉, 以及事後收拾工具, 抺枱等, 咁又可以訓練埋自理能力~!
一包過期麵粉, 就(美其名)訓練咗三項能力, 勁呢~!
最後晢晢要求:『我哋拎去煮吖好唔好呀?』… 噢, sorry, 莫講話d麵粉過期, 就算未過期, 冇味冇道煮咗都唔慌好味, 所以媽媽婉拒了
… 唯有遲d安排時間同材料齊齊整湯丸啦! 唔知晢晢呢隻偏食怪肯唔肯食自己整o既食物呢~!? 
沒有留言:
張貼留言