呢日係教會弟兄姊妹結婚大日子, 早上爸爸要帶晢晢返PLAYGROUP, 放學後就先到九龍灣, 而媽媽就遲一步先單拖帶陶陶出門口! 相比起以前, 媽媽單拖揍小朋友的能力高咗好多, 唔再『呢咁HEA』之餘更駕輕就熟般, 做咗第二任母親果然唔同d! 
喺車上陶陶瞓得好冧啊~~
那邊相的晢晢都瞓到隻豬咁~!
到達九龍灣與爸爸及晢晢會合後, 媽媽就喺café take個quick lunch, 然後就急急腳到教堂觀禮~!
呢日晢晢同陶陶都好乖, 全程都好安靜, 甚至連其他在場幾位BB都十分安靜! 實在非常難得~~ 感恩!!! 
學生組第二代合照(呢張都未齊人架~!)
晢晢:『Ivy ee好靚女啊~』
禮成後, 因為當晚冇設晚宴, 所以我哋一家就與一班弟兄姊妹到某伉儷家中打邊爐歡聚~! 呢晚非常難得的有好多個家庭都有帶小BB出席 (年齡由2個月至3歲), 氣氛非常熱鬧~! 
呢3位BB差不多係同期出生, 當然要來個『賣豬仔』合照啦~!
回想起與呢班弟兄姊妹相識時大家只係學生, 團契聚會時總會柴娃娃的你整古我, 我整古你, 嘻嘻哈哈的, 又會時常一起祈禱… 眨下眼, 大部份都做咗爸爸媽媽, 時間真係唔等人呢~~~ 
好啦! 教會o既將來就交畀你哋呢班『學生組第二代』啦! 加油!!!
沒有留言:
張貼留言