聖誕節24 & 25號都冇特別安排節目, 直到26號先邀請一班好友到舍下小聚
~! 一大班人食吓嘢, 傾吓計, 已經好開心
~! 呢日媽媽更學識咗點玩紙牌大富翁, 嘻嘻…!
到第2日, 就輪到我哋一家到Toby『哥哥』家開Party (人家堅持要稱呼佢做哥哥, 就順吓佢意啦
)… 本來媽媽都猶豫出唔出席好!? (揍住兩個到東九龍都幾吃力架嘛
), 但諗諗吓, 唔出去就只會喺屋企吽, 咁何不令個假期過得精彩d
~!? 就鼓起勇氣出動啦~!
由於規定每人要帶$50食物出席, 我哋一家就合併所有Budget 買咗個蛋糕等大家開心吓
~! 而且12月又特別多人生日, 畀各12月之星一齊吹一次蠟燭都唔錯啊~! 
Lulu 姨姨帶來的party眼鏡~
陶陶:『呢個哥哥咁大隻既?』
第一次抱朋友的巨B, 6個月大就20磅, 晢晢1歲先有呢個磅數咋~!
好多美食呀!!! 媽媽食咗好多片多士(塗鵝肝醬, 正到爆!!!)
正當大家食得高興之時, 晢晢悄悄地向媽媽投訴:『好眼瞓呀, 我要返屋企!
』, 心水清的媽媽知道其實晢晢唔係眼瞓, 而係想拆禮物
, 所以媽媽就提議晢晢向凱兒姐姐請求『可唔可以而家交換禮物!?』, 幸好凱兒姐姐一口答應, 更讓晢晢協助抽禮物, 晢晢即刻開心返晒, 媽媽亦鬆咗一口氣~! (感激~!)
最後到切蛋糕環節, 晢晢更加開心~!
有件事差d唔記得提, 唔知點解晢晢呢兩日時時要求Toby哥哥陪佢沖涼
!? 呢日去到人哋屋企, 更意圖脫去衣服走入人哋厠所!!! 當晢晢被拒絕時, 更失望到扒喺地下默不作聲
… 爸爸媽媽跟Toby哥哥講:『晢晢真係好希望同你玉帛相見, 你下次就成全佢啦~! 哈哈~!』
沒有留言:
張貼留言