雖然喺迪士尼唔係玩咗好多個項目, 不過帶住兩個小朋友, 爸爸媽媽都有點『散晒』o既感覺
~! 所以我哋連煙花都冇睇就返酒店休息(尤其呢晚延遲到9:30先開始)…
一到達酒店, 爸爸負責check-in, 晢晢就畀正在播放迪士尼卡通的電視吸住咗
, 而媽媽就抱住陶陶喺lobby稍作休息, 其間媽媽遇到位國內的女士, 見到陶陶就好奇的問:『她多大?(國語)
』當知道只有兩個月大就好大反應:『才兩個月! 太少了吧
! 這麼少就帶她出去不太好啊!(國語)
』搞到媽媽都唔係幾好意思, 心只不停想『爸爸! 快d啦!!!』
好不容易等到爸爸出現, 就立刻向房間出發
~! 呢度d lift好得意, 會有一把好親切o既迪士尼卡通人物聲音提醒你已經到達幾多樓, 好似置身於卡通世界
~!
房間唔算好大好豪華, 但感覺好舒服
, 而且四周都有米奇個嘜頭, 晢晢見到就問:『呢度係咪Mickey屋企嚟架?』~~ 好傻瓜~!
喺房間餵飽陶陶後就到我哋醫肚~! 本來想搵間好d食餐好, 但因為時間唔早, 又想畀晢晢到遊戲室玩, 所以最後就揀咗快餐就算…
或者爸爸怕晢晢偏食浪費, 所以開頭只order咗鮮果盒同朱古力蛋糕做晢晢的晚餐, 誰不知晢晢呢晚好好胃口, 揀晒d西瓜食之後, 仲食咗爸爸大半碗拉麵! 搞到爸爸差d唔夠飽~!
勉強算食飽後, 就嗱嗱聲帶晢晢到遊戲室玩
~! 呢度地方唔算好大, 但玩樂設施種類尚算豐富, 而且裡面o既哥哥姐姐態度十分親切, 令小朋友樂而忘返~! 
晢晢見人哋其他小朋友填顏色, 就自己走去問姐姐:『可唔可以畀張Mickey我畫畫呀?
』不過得到手後就求求奇奇撩幾撩就收工! 難得姐姐仍十分仁慈的吸個印仔以示鼓勵~!
後來, 姐姐提議講故事畀晢晢聽, 本來人地只拎咗本薄薄的, 但晢晢竟然另外揀咗本有如字典咁厚的要姐姐講! 好在姐姐冇被嚇到, 仍樂意的為晢晢服務~~~ 
不過故事都未入到正題, 晢晢就開始心不在焉, 一時掛住望姐姐, 一時發呆, 後來更好似就快瞓著o既狀態
!!! 姐姐問爸爸平日有冇講開故事? 爸爸話:『佢媽咪晚晚臨瞓都會講故事暗佢瞓架…』姐姐即刻明晒!
逗留咗大概個多小時, 我哋就返房間休息~! 因為地方小又一眼望晒, 爸爸媽媽可以好放心咁由得晢晢四處走, 比起留喺屋企時時要跟出跟入輕鬆得多~! 
呢一晚, 晢晢盡情地欣賞卡通和跳彈床, 跳到攰倒頭便睡~! 陶陶亦瞓到好甜, 而爸爸媽媽就無顧慮地休息休息… 爸爸媽媽都有同感, 『好耐都未試過瞓得咁林咯… 』
大家一直瞓到不知時日過, 直到晢晢落床拉開窗簾後大叫『嘩! 原來太陽怕怕出咗嚟啦!』先知原來已經8時多, 呢個時候先欣賞到房外的海景~~
陶陶仍然瞓得好甜啊~~
晢晢大爺嘆支早奶先~~
一直喺房間慢條斯理的搞吓東搞吓西, 直到10點多就收拾行裝check-out, 然後食早餐~!
媽媽挑選o既早餐係價值六十多元的『港式早餐』~!
晢晢就揀咗粟米片
不過呢日晢晢胃口不錯, 除咗佢盒粟米片, 另外喺爸爸媽媽份早餐度各取咗半份嚟食! 所以後來爸爸要額外買多一份『港式早餐』先夠飽~!
好好味o既凍朱古力~!
食飽咗, 就喺附近行吓~! 呢度綠草如茵, 地方又夠大, 爸爸媽媽可以好放心咁讓晢晢四處走動~!
兜咗個圈就繼續行程! 下一站係迪欣湖~! 上次嚟d單車租晒, 今次一於玩返夠本… 不過就苦了爸爸, 因為媽媽要抱住陶陶唔幫得幾多, 晢晢又爭住要坐爸爸大脾齊齊踩… 結果爸爸就要負重30磅兼獨力踩郁一家四口踩足一粒鐘, 都咪話唔甘!!! 好在最後對腳冇斷到啫~~~嘻~~~
沿途風景真係好靚, 寧靜又舒服! 但傻瓜晢晢竟然懷住探險般o既心情, 一路行一路問:『有冇老虎架!? 會唔會咬人架!?
』~~ 哈哈!
還車後, 就到公園玩水, 晢晢當然玩到好開心, 難委媽媽不停餵蚊!!!
之後o既行程, 本打算再遊主題公園, 但呢日晢晢感冒同咳似乎惡化了, 要趕出九龍睇醫生, 加上陶陶又帶唔夠片片, 左度右度d時間都唔知點安排好, 結果就決定提早結束我哋呢個迪士尼之旅~!
離開迪欣湖不久, 晢晢就瞓到隻豬咁, 直到到咗青衣食飯晢晢依然未醒…
呢次旅程雖然未算精彩, 但總算relax及開心~! 而且以帶住兩個小朋友嚟講算安排得不錯(尤其其中一個只有兩個月!), 對晢晢嚟講都應該十分難忘! 晢晢一踏入屋企門口即話:『我唔要返呢個屋企! 我要返Mickey屋企呀!!
』, 直到而家, 晢晢久不久都會問:『我哋去Mickey屋企吖, 好唔好呀?』
希望不久將來我哋一家四口可以再玩餐飽, 能夠衝出香港就更好!! YEAH!!!
沒有留言:
張貼留言