實在隔太耐先紀錄啦, 希望唔會忘得太多…
生命自然探索 ~ 讓小朋友認識生命的成長, 例如: 蟲變蝴蝶, 科斗變青蛙…
晢晢表現:
只識叫butterfly 同 frog, 聽到同學仔講『蝴蝶』『青蛙』時顯得有點迷茫
~! (明明晢晢識中文架, 都唔知點解會咁!?
), 另外, 科斗就唔知點解叫咗佢做『黃豆』!?
Surmen姐姐以敍述故事形式講解動物成長過程, 藉以加深印象, 例如: 『蟲蟲, 爬爬爬, 長大變蝴蝶, 飛飛飛…』 效果不錯
! 晢晢能自己講返一次出嚟, 返到屋企媽媽考佢都仲識答~!
之後做排序, 例如: 小狗變大狗, 小貓變大貓, BB變小朋友變大人… 晢晢表現不錯, 懂得用『以前』係xxx, 『之後』係xxx 表達時序, 亦明白BB係由媽媽個肚長大(當然, 晢晢見證住媽媽生妹妹~!) 不過, 晢晢跟大部份小朋友一樣, 都會形容長大至成年人幅圖為『爸爸』, 小朋友長大咗變『爸爸』… 好搞笑~!
媽媽盡晒力啦… 紀錄到呢度為止…
小記: 呢日爸爸遲咗半個鐘都未去接晢晢, 搞到PG都打嚟找媽媽問發生咩事, 原來爸爸掛住同朋友傾電話失晒暈, 連自己個仔都唔記得! 呢個爸爸都得架喇~!
爸爸和晢晢的課後活動...
晢晢玩到唔捨得走, 媽媽喺電話同晢晢講:『好啦! 玩咗好耐啦! Bye Bye公園啦!』晢晢9秒9將電話交畀爸爸然後逃走… (媽媽愛莫能助啦~!
)
沒有留言:
張貼留言