過份保護? (3Y5M) – 28.05.11

又是沒有爸爸的週未…

呢日媽媽要返工, 放工後見晢晢已午睡起床, 就帶佢到會所遊樂場放電, 誰不知遇上一氣憤事!

到達時已發現有幾個小朋友特別嘈吵, 都不以為意… 不久, 就聽到晢晢慘叫:『你唔好再嚇我啦, 唔該!』, 媽媽便探頭到密封式的滑梯架內看個究竟!? 原來有一個似乎情緒有點異常的男生(約13-14歲)不停地對著晢晢大聲咆哮!!! 媽媽先叫晢晢『落嚟』, 然後再對男生好言相勸:『係啦! 哥哥你唔好再嚇佢啦!』

當晢晢回到地面, 便叮囑晢晢『你唔好再上去(滑梯架)啦! 你喺地下同其他小朋友玩啦! 』

可惜過了不久, 男生又聯同兩個大約8-9歲的女生追著晢晢扮鬼臉及咆哮, 開始時媽媽只在旁觀察, 約10分鐘後開始發現不對勁!!! 因為這『3人組』似乎是不懷好意的當晢晢是流浪貓狗般欺負!!! 直頭是『趕狗入窮行』式的不停纏著晢晢尖叫及咆哮!!! 其中一名女生態度更十分囂張! 妙妙咀的對著晢晢說:『驚驚驚!! 白痴先驚o既啫!!』(真難想像是出自一個8-9歲小女孩的口!!!)

此時媽媽的火起了, 但仍盡力按奈自己, 走到晢晢身旁對那『3人組』說:『好喇! 夠啦! 唔該你哋走開!』, 他們便與晢晢保持距離, 然後繼續於場內喧嘩和追逐!!!

媽媽以為告一段落, 誰不知場內有一對無知的姊妹(約4-5歲)有樣學樣, 又纏著晢晢咆哮!!! 更一度走到密封式滑梯(管)內, 對著晢晢耳邊不停地尖叫!!! 這時晢晢已被迫得瘋了! 而媽媽的火亦按奈不住了! 便探頭到滑梯內命令兩姊妹停止尖叫!! 誰不知她們興奮得聽不進耳!!! 媽媽便硬將晢晢從滑梯管扯出, 並大叫:『邊有小朋友咁曳!!!?? D父母唔駛睇住D仔女o既咩!??』(媽媽知道此行為好失禮, 但真的忍不住了…)

此時兩姊妹的媽媽便走過來連聲道歉, 媽媽便向她解釋:『唔關佢哋事, 佢哋有樣學樣啫…』(媽媽都有點不好意思, 因為一開始是『3人組』的錯, 只是剛巧借了『兩姊妹』來出氣…)

事後媽媽不停反省, 到底媽媽的做法是錯是對!? 有時小朋友面對問題, 做媽媽的是否讓他自行處理較好!? 現在媽媽是過份保護?? 還是出手太遲!?? 還有, 媽媽實在很內疚要那對小姊妹做『炮灰』, 又氣憤冇好好教訓那『3人組』!!!

一件事情, 就看出不同父母對待子女的態度(那『3人組』直頭係冇父母看管的!!!)... 教導小朋友實在是一件十分高深的學問!! 保護太多, 又怕會變成『港孩』; 管束太多, 又怕限制小朋友發展; 自由太多, 又擔心變得沒規矩... 媽媽都要時時警惕自己!!! 『保護』, 『管教』,『 自由』3者取得平衡實在不是易事!!!