再到迪士尼酒店 (3Y5M / 7M2W5D) – 29.05.11

又是沒有爸爸的星期日, Ciki姐姐又放假, 一諗到得返媽媽一個人喺屋企對住陶陶同晢晢就怕怕, 於是又問問娘家有乜好節目~!? 結果… 又是迪士尼tea buffet… 算是預祝朱精姨媽生日+父親節喎... (慶祝咩都好啦, 總之唔駛吽喺屋企就得喇~!) … 五月頭媽媽生日時先嚟過一次, 五月尾又嚟一次,  難怪晢晢都同Yoyo表姐講:『我去過迪士尼好多次啦~!』

雖然嚟得密, 不過呢次對媽媽嚟講都好有意義~! 因為我哋娘家好耐都未試過咁齊人一齊出去咁遠玩咯~!

呢日早上晢晢要返興趣班, 因為媽媽對於單拖帶 兩個小孩 + BB車 + 全日的行裝 還是不夠信心, 於是又請了婆婆幫忙到家中會合然後一同出門, 然後於上課地點呆等了個半小時就齊齊向迪士尼出發~!

嚟過幾次, 晢晢對卡通人物熱情未減~!

陶陶都有份食~! 抵晒~!

食飽到遊戲室玩下

再走走迷宫幫助消化

還有享受大草地(在這裡勾起了媽媽點點童年回憶~!)

公園當然少不了

最後畀晢晢濕濕身, 爽呀~!

玩到太陽伯伯都落山就回程, 返到屋企爸爸跟Ciki還未回到家, 媽媽跟婆婆就繼續忙呢個果個沖涼和吃東西… 好攰好攰, 但又好满足, 起碼冇浪費大好假期~!