又是沒有爸爸的週未… 早上看過晢晢演出, 中午揍完陶陶返PG, 返到屋企陪晢晢玩咗一陣, 時間仍然好早… 於是問晢晢:『喂~ 去公園玩咯~!
』 晢晢:『好呀!
』(陶陶啱啱食緊粥, 所以冇佢份咯~!
)
臨出門口, Ciki姐姐同媽媽講:『聽日冇材料煲粥呀, 順便買條魚吖唔該~!
』 媽媽:『哦!
』
本來只係諗住到樓下公園玩一陣放放電, 但因為要買材料煲粥, 於是玩完就再逛超級市場~~ 明明目標只係買條魚, 明明身上只得二百多元, 但都可以行成粒鐘兼買到一車都係
!!!(好在僅僅夠錢畀啫)… 女人錢真易賺…
臨走望一望錶! 嘩! 原來成8點啦! 媽媽個心好掛住陶陶… 但係同晢晢急急步行緊返屋企之際… 行經許留山… 就好似畀舊攝石攝咗入去
~~~ (媽媽冇錢過喎… 唔怕, 有八達通~
!)
其實媽媽唔係特別喜歡食呢度o既食物, 只係突然間覺得, 整天匆匆忙忙未停過, 正所謂『吊頸都要抖抖氣』… 於是就拉埋晢晢去relax 一下~!
印象中, 媽媽好似未試過單獨同晢晢兩仔毑撐枱腳~! 因為晢晢以前實在太偏食!! 所以媽媽以往係唔敢單獨同晢晢出街食嘢, 以免勞氣傷感情~! 不過自從晢晢讀K1後, 進食情況有明顯改善~! 好似呢一晚, 由挑選食物, 等, 進食… 晢晢都是坐定定的, 而且一直和媽媽有傾有講, 我哋都十分享受
~! (咪以為甜品小朋友一定鍾意, 晢晢以前真係唔肯食架~! 即使而家晢晢都係唔食布丁同芒果~
!)
難得偷閒, 影張相留念下~~~
媽媽:『吾… 笑容太牽強喇…』
媽媽:『喂, 望鏡頭啦~!』
媽媽:『吾… 太正經… 唔似你喎…』
成口西米… 晢晢:『嘩! 點解呢d粒粒咁好味o既!?』(真實對白)
好豐富啊~!
沒有留言:
張貼留言