上星期因為重陽假期停課一天, 隔咁耐先再上堂, 晢晢會表現成點呢?
喺唱歌時間, 婷姨姨分樂器時特意先將所有樂器放入一個膠箱中, 然後叫小朋友從膠箱頂的小孔中「裝」(睇)下入面放咗d乜!? 未論到o既小朋友見到人哋「裝」, 又八八掛拮起身睇下人哋做乜, 個樣超級搞笑~!
小朋友聽到叫名後就可以出去拎樂器~!
正在與同學交換樂器~!
當唱到耳熟能詳o既歌仔時(太陽伯伯, 快樂的星期日, 歡迎歌…), 晢晢差不多由頭唱到落尾~! 同過往最多只會唱一兩句好唔同~!
到故事時間, 開始前婷姨姨拎咗支牙刷, 牙膏同杯示範刷牙, 又畀每位小朋友聞下牙膏o既味道~! 當論到晢晢聞時, 婷姨話:「晢晢, 要用鼻哥聞架, 你個鼻哥呢?」, 晢晢就成隻手指篤入個鼻哥loan!! (哈哈~真失禮~!)… 之後婷姨姨拎咗本好精美o既繪本出嚟, 用有趣o既演繹講解刷牙o既步驟… 擠牙膏>溂口>刷牙>再溂口>洗牙刷及杯… 咦~! 呢d咪係晢晢平日做個咯~! 爸爸又教得幾好喎~!
「向上刷~ 向下刷~ lalalaa」
婷姨姨畀每位小朋友同圖書上o既小動物刷牙呀~!
之後o既圖功都配合主題, 以牙刷點水彩畫喺畫畫~! 開始時都好地地, 媽媽先點一點水彩然後遞支牙刷畀晢晢畫, 但冇耐晢晢就要求媽媽將成杯水彩放到佢面前, 堅持自己點水彩, 唔畀媽媽拎走隻杯又唔畀媽媽幫! (晢晢係點表達呢? 佢先指住個杯, 然後拍拍枱面講「畀畀, 擺呢度丫」, 然後推開媽媽隻手), 媽媽因為怕晢晢會倒潟所以拒絕晢晢要求, 晢晢就發脾氣大叫
~! 爸爸見到就同媽媽講:「咪畀佢試下咯~!」好! 爸爸咁口響就交畀你負責! 媽媽企埋一邊睇, 晢晢同爸爸果然畫得好愉快又冇甩漏, 爸爸係有d計~!
呢幾張相當然係晢晢發脾氣前拍架啦~!
到唱遊時間, 呢日係咁多堂之中晢晢跟動作跟得最足o既一堂!難得晢晢咁投入, 爸爸媽媽都睇到睇定定, 差d唔記得拍低佢, 好彩媽媽夠醒: 「喂喂喂~! 爸爸, 仲唔快d拍低佢!?」
到茶點時間, 今堂食火龍果同蛋糕, 但晢晢突然唔食火龍果, 何解!?
晢晢:「咪以為我喺度瞓覺, 其實我祈緊禱呀~!
」
晢晢:「余姨姨, 好肚餓呀! 快手D唔該~!
」
晢晢:「蛋糕好味~!
」
食飽飽自行放回餐具, 晢晢完全係自己嚟, 唔駛媽媽幫手架~!
睇見晢晢一堂比一堂進步真係好窩心, 仲有兩堂就畢業喇, 真係唔捨得, 希望晢晢喺剩餘三堂都繼續玩得開心啦~! 
沒有留言:
張貼留言