星期六, 一家三口食完早餐後, 爸爸又要返公司做嘢, 媽媽就同晢晢齊齊送爸爸搭車, 當晢晢睇住爸爸架巴士開出時, 就好偒心咁喊
, 幾秒後, 暫時收咗眼淚, 然後開始自問自答…
「爸爸呢?」
「返工啊…」
「wei wei wei」
每次一講到「返工啊…」就開始喊, 幾秒後就會收聲, 然後又再自問自答:「爸爸呢? … 返工啊… wei wei wei」… 好奇怪, 好搞笑, 但, 又好陰公…
爸爸走咗之後, 媽媽成個下午都喺婆婆家打發時間, 然後夜晚同婆婆打邊爐… 食食吓, 爸爸就返到, 嗱嗱聲食兩啖就一家三口夜麻麻行屯門
…
本來以為爸爸咁好C陪媽媽買衫第二日去飲, 點知去到只係睇童裝, 書局同打狗城… 結果是日所有收穫都係屬於晢晢!! 
不過算啦, 是日收穫媽媽都好滿意
, 其中一份係一本兒歌書連CD, 書~十分精美, 回程o既車上, 晢晢一直拎住嚟睇, 翻到有佢熟悉o既歌詞就會唱起上嚟(係佢自己認出d字, 爸爸媽媽冇提水架~!
), 成程車就係不停唱唱唱
~~~ CD第二晚就開咗嚟聽~! 發現都好好聽~! 
三十幾蚊抵買~!
另一份係喺打狗城買o既bath pen, 沖涼時可以畀小朋友畫喺牆上, 用水一沖就甩, 又唔傷皮膚… 晢晢一定好鍾意!! 不過畀錢時先知, 原來成八十幾蚊盒架~! 仲係只得4大支筆咁大把... 內都赤埋…
晢晢, 爸爸返工賺埋d錢都係為咗買嘢畀你, 下次送爸爸返工就唔好喊得咁淒涼咯~! 應該話「爸爸呢?… 返工賺錢畀我同媽媽啊… 呵呵呵…
」
沒有留言:
張貼留言