第一次到戲院

我哋一家三口遊完濕滯公園, 返屋企抖足精神後就齊齊趕下場 --- 睇戲咯~~!

屈指一算, 原來媽媽都有兩年多冇入過戲院喇~! (真失禮~!)

初初知道有咗, 唔知點解好擔心戲院d音響會嚇怕肚裡面o既baby, 所以「戒」咗… 後來晢晢出咗世, 又擔心晢晢會喺戲院扭計... 所以一直唔敢去, 結果一拖就拖咗兩年…  今次難得爸爸拎到贈卷, 而且又係一套老少咸宜o既卡通片, 一於帶埋晢晢去戲院睇戲啦~!  

入場前…

爸爸:「晢晢會唔會搞搞震或者扭計周圍走架?」

媽媽:「唔怕, 帶定d零食呀, 糖呀… 必要時出撒手諫 --- 汽水 + 爆谷! 一定得!」

入場後…

上半場, 晢晢一直坐喺BB車上靜心欣賞電影…

下半場, 晢晢開始要求「開lock lock」(BB車Seat belt), 然後坐喺爸爸大脾上繼續欣賞電影, 不過明顯比坐喺BB車時開心, 因為不時都會大笑大叫, 仲時時一輪咀講太空話, 賴係睇得明咁~! (不過阿仔, 你D笑位錯晒o既~!? 人人都靜晒你就哈哈大笑~!) 

到尾聲, 晢晢開始要求「落地地」, 媽媽就出動爆谷攻勢, 哈~! 果然搞得掂~! 晢晢邊食邊un un腳睇戲, 又不時餵爸爸媽媽食, 最尾15分鐘安然渡過~~~  

散場時, 晢晢心情大靚, 似乎好鍾意睇戲~~ 不過媽媽突然大一刻罪疚感, 如果晢晢日後沉迷電視咪大件事!!!!????… (哈~! 都係唔好諗咁多喇~!)  

爸爸媽媽一向鍾意睇卡通電影, 今次呢套戲都冇令我哋失望, 內容… 唔多講喇, 不過媽媽覺得個感覺有d似AI(當然AI感人好多), 都值得一看~!