到健康院

今日特登請咗假同晢晢返健康院做成長監察同打歲半針, 成績如下:

 

Wgt: 10.57kg

Tall: 80.5cm

由中大碼變成中碼B, 姑娘評語--增長欠佳...

 

見姑娘做成長監察時, 用筆畫嘢, 用杯飲嘢, 行路... 都冇問題! 語言方面, 姑娘更加大讚佢叻! (我都未講佢念到A-Z同1-10咋~!)... 之後姑娘問返晢晢上次扭傷腳o既事, 我又提到佢便秘同食奶問題... 姑娘又係話晢晢食得太多奶, 便秘可能係關食得太多蛋白質事, 建議減奶同時加多d蔬果... 唉, 都唔係第一次聽, 婆婆唔肯follow都冇計... 又係奶粉廣告的禍...

 

之後打針, 冇喊, 鬆容不迫! 好叻仔! 不過婆婆就好大反應話晢晢一d都唔叻, 因為奀皮既小朋友先唔怕痛, 咁先惡教!

 

真係一盤冷水照頭淋呀!! 乜晢晢好奀皮咩~!? 亨!