陶藝展

今日去咗參觀爸爸朋友o既陶藝展, 晢晢好有興趣呀! 不過就難為了爸媽, 因為怕晢晢四處貢打爛人哋d作品就大近視喇~!

門口影張相留念先~~~

 

晢晢開心到飛起呀~!

 

爸爸的朋友~~

 

爸爸朋友其中一件作品

 

前一件叫十二面體, 外線係一條連續o既線, 後一件叫黃金比例, 於圓形正面望過去, 每一支凸出既部份都唔會overlap~! 原來大自然中好常見, 好似一棵樹每一支樹都唔會overlap, 咁樣每片葉都可以吸收到充足陽光~~ 好奇妙~!  

 

展品中仲有好多唔同人o既作品, 不能盡綠, 好多件都好有特色, 其中一件係以陶瓷編織出嚟o既籃, 博士話要造個籃要好高技巧先做到! 因為好易斷架! 呢個就係個陶瓷籃喇, 真係唔講都睇唔出呀~!

其他展品...

 

呢日行完展覽食埋飯返到屋企已經11點多! 媽媽同晢晢都攰到飛起! 不過可以讓晢晢認識吓陶瓷藝術都值得o既~!