爸爸一直都想畀晢晢養魚, 但經過上次魚魚慘
事件後, 都拖咗一排唔敢再養, 直到尋晚, 爸爸半夜12點多返到嚟, 竟然捧住個大魚缸、四袋魚仔 + 其他所需器材入屋
! 仲因為上次慘痛經驗, 專誠邀請佢個養魚專家朋友嚟幫手整魚缸! 真係睇過先知, 原來放魚入魚缸都有好大學問, 唔怪之得上次我哋d魚魚x得咁快啦~! 
其中一個步驟係先連袋放魚入魚缸, 目的… 唔知道~ 估計係適應水溫同環境~!
經過好多重步驟後, 魚魚正式進駐魚缸啦! 
開始時水有點濁, 但過濾咗15分鍾後已變得好清啦~! 
搞到成半夜1點多先大功告成~! 咁辛苦, 只為畀晢晢一個驚喜~! 
第二朝晢晢一覺醒來, 睇見魚魚個開心樣, 真係幾辛苦都值得!
回覆刪除你好呀，好開心見到你的生活分享 =] 記住要為電腦做好網絡安全措施，小心保護個人資料，以免不法分子及黑客有機可乘。如果想知道更多有關善用互聯網的資訊，可以來http://be-netwise.hk/看看丫^^
再養魚！祝願魚魚身體健康！生活愉快！
回覆刪除晢晢真係好開心！爸爸好細心呀！