聖誕節係紀念耶穌降生o既日子, 本應帶晢晢參與教會活動, 讓佢加深認識呢一日o既真正意義
, 但今年教會只安排咗平安夜到德福表演, 而呢晚又太攰, 所以唯有安排其他親子節目! 不過媽媽都有特意講耶穌降生o既故事畀晢晢聽架~! 
呢朝早, 好似平日weekend放假一樣, 一起身就齊齊出去嘆早餐, 然後見仲早就帶晢晢到中央公園o既兒童幼樂場玩, 等晢晢可以發洩下過剩o既精力! 
晢晢一見到就話:「Motorcycle 呀!」然後一支箭標上去坐!
爸爸:「晢晢快d啦!」晢晢:「嚟緊啦, 等陣啦!」
晢晢玩呢個擒架時好搞笑, 喺爸爸協助下一口氣擒到上頂, 媽媽就企喺對面準備接住晢晢擒返落地, 點知當媽媽張開手時, 晢晢竟然伸一伸手就立即縮回, 然後令轉頭叫爸爸抱, 明顯地對媽媽冇信心!
晢晢:「想抱我? 媽媽, 食多兩碗飯先啦~!」
呢d考平衡o既遊戲設施晢晢都好感興趣, 玩咗好耐~!
玩咗大半個鐘就返屋企休息, 直到晚上先再出動到元朗打個轉, 咁啱商場有聖誕裝飾, 當然唔會錯過拍照機會啦!
晢晢個「米」字又返來咯～～
到boxing day, 由於爸爸工作關係, 所以媽媽趁晢晢午睡完就再一次單拖帶晢晢到爸爸公司會合, 呢次媽媽冇咁好彩, 要3粒糖 + 半樽多多先搞得掂晢晢
! 等埋爸爸收工, 就齊齊去咗間好難食o既餐廳食西餐, 其間晢晢乜都唔肯食, 又扭計, 間餐廳又靜, 搞到媽媽都有d唔好意思
… 食飽去埋金魚街埋魚魚就返屋企lu~!
沒有留言:
張貼留言