晢晢:「猴棗散好難食呀!!!」
話說平安夜前夕晢晢咳通頂, 到第二朝醒來就聽到佢好多痰聲, 但又唔似好辛苦, 所以爸爸就堅拒帶晢晢睇西醫, 因為爸爸覺得西藥食得多冇益, 咁唯有食住猴棗散頂住先~! 
過住餵猴棗散總會餵到天一半地一半, 因為晢晢會不停掙扎… blu, lur, 喊, 大叫
… 乜都出齊! 但今次… 雖然晢晢依然有喊同大叫, 但只要媽媽叫佢「呀」(示意佢張開口), 佢都會肯張開口畀媽媽吱D開咗水o既猴棗散入口
, 就算已經苦到皺散眉兼打晒冷震, 當媽媽準備吱第二下時(一支針筒份量大概分3-4次吱), 一叫佢「呀」, 晢晢都依然肯張開口, 仲好乖一滴不漏吞晒! 
成個聖誕假期每次餵都一樣咁乖!!! 超級抵鍚!!! 
晢晢突然咁聽話, 爸爸媽媽都感都好意外, 本來諗住獎佢一杯「甜甜」(蜜糖水), 但晢晢竟然伸晒脷(示意條脷好苦)話:「唔愛甜甜, 要水~!
」哈哈!!! 晢晢, 係呀, 食藥要用水服架, 咁你都知o既~!? 
晢晢, 你真係令爸爸媽媽好欣慰, 第時大個都係咁乖, 好唔好!? 
晢晢食野终于叻番次! YEAH!!
回覆刪除Anna呢就唔知点解咁中意食药,中西药不拘,针筒一到口已经张口食,仲要more添....我地也好高兴少一个烦恼~!
[版主回覆12/31/2009 00:03:00]ANNA好勁呀! 其實我試過味, 真係好苦過WOR!! 咁都鍾意o既!?
晢晢食西藥初初都拆天, 但後期(好似1歲開始)就勁鍾意, 直到而家都係! 但中藥就而家先合作(雖然仍有慘叫)~! 叻返次~!