自晢晢踏入2歲開始, 耐性, 脾氣… 都差了! 雖然一早知道只係大部份2歲孩子成長o既特徵(所謂TERRIBLE TWO吧!), 而且客觀地睇, 晢晢行為都未算十分嚴重(起碼會有安靜時候, 只是比過去少而已), 但作為媽媽, 總唔希望眼白白睇住自己個仔情況變本加厲, 所以的起心肝, 一口氣刨咗好幾本書, 希望找出真相之餘亦找出對策!
今次所睇o既書令媽媽有好大得著, 無論教仔方法同心態都令媽媽改變不少… 好似
睇到其中一本講關於選擇玩具要注意的事項與及不同玩具對小孩的影響, 媽媽有好大啟發! 媽媽用了一晚時間刨完整本書, 第二天一早就落手重新整理家中玩具, 將所有會影響晢晢專注力的玩具統統收起! 又趁放假出去買咗一d有啟發性o既玩具同晢晢玩! 玩具整理咗只有一兩日, 晢晢o既專注力有明顯改善~! 媽媽心情暫時可以放鬆一點…
另外, 媽媽又睇到另一本書, 提到呢個年紀係學習語言, 數理, 邏輯思考等o既黃金期, 所以媽媽同晢晢溝通時都加多咗好多思考性問題, 又多d同佢玩有關數學/邏輯等遊戲, 刺激下佢個小腦袋之餘亦希望提高佢學習興趣~! 媽媽覺得呢個星期晢晢開心咗, 學習進度都加快咗! 希望可以持續~!
媽媽心態上, 因為對2歲小孩了解多咗, 所以心情都輕鬆咗, 雖然晢晢依然坐唔定, 但當明白到佢只係正在學習, 就唔再覺得晢晢曳到飛起, 反而欣賞佢對各樣事物o既好奇心…
其實媽媽o既得著重有好多好多, 不過真係冇時間寫晒出嚟, 希望遲d有時間再紀錄…
教仔, 真係一門好高深學問, 學一世都學唔完! 媽媽都要勤力d, 睇多d, 做個有智慧的媽媽!
媽媽所睇的書包括(有部份係返睇, 有部份係新買~!): 3歲決定孩子的一生, 你的2歲孩子, 捕捉兒童敏感期, 買錯玩具教錯仔… 仲有, 未讀完的---6A的力量
沒有留言:
張貼留言