聽聲音玩遊戲呢隻遊戲係從曉詠媽個卜得知, 媽媽同爸爸係咁易提過後, 爸爸就立即從網上訂購, 21號貨到; 媽媽急不及待同晢晢玩! 只係第一次聽, 晢晢已經能從聲音中辨認出大部份o既物件, 例如BB笑聲, 鼓聲等! 當中最令媽媽驚訝係, 晢晢竟然認到大象叫聲同消防車鳴叫聲, 呢D都唔係生活上常見! 另外, 媽媽又十分意外, 晢晢竟然認唔到睡覺鼻寒聲! 爸爸晚晚都嘈到拆天都認唔到!!??? 有冇搞錯!!!??
仲有一種聲音晢晢都係認唔到o既, 就係水煲響聲, 因為媽媽同婆婆係從來唔用明火煲水, 哈哈!!! 
咁搞法, 媽媽係咪應該考慮買返個水煲畀晢晢學習下呢??? 
除咗呢D買返嚟o既遊戲外, 其實生活上都有好多用聲音玩遊戲o既機會~! 好似某一晚, 晢晢聽到爸爸關上大門o既聲音, 就問媽媽:「爸爸呢?」媽媽就話:「係lor, 爸爸呢? 你話爸爸去邊丫嗱?」 晢晢就靜心聽住大門外爸爸微弱o既腳步聲
, 幾秒後, 就滿心歡喜答媽媽:「爸爸倒垃圾!」
媽媽:「係呀! 晢晢好叻呀! 爸爸真係倒垃圾呀!」之後爸爸倒完垃圾返入屋, 晢晢見到爸爸後再一次肯定地咁話:「爸爸倒垃圾!」
媽媽即刻同爸爸講:「係晢晢自己發現, 媽媽冇教過架!」爸爸都讚晢晢叻叻!!!
近來, 晢晢似乎對聲音都特別敏感, 就前晚, 晢晢無啦啦要求倒晒d空心o既膠積木到梳化, 然後企喺上面跳! 媽媽冇阻止, 因為媽媽想知道晢晢o既目的! 過咗一陣, 晢晢就邊跳邊叫住:「lok lok lok~ lok lok lok」原來晢晢一直注意住跳動令到膠積木踫撞o既聲音!!! 然後更會模仿d聲音叫出嚟!!! 媽媽真係好慶幸自己有呢個耐性去觀察, 亦有呢種包容由得晢晢喺梳化上跳, 若果媽媽一早就制止的話, 晢晢就失去呢個「大發現」機會!!!
睇嚟, 媽媽似乎漸漸領悟到跟2歲小孩o既「相處之道」, 希望能順利過渡啦!
睡覺 鼻寒 聲---->曉詠都認唔到，佢以為係豬聲呀！HAA~~
回覆刪除水煲聲又係未聽過，而家用電熱水壺，何來搵個水煲出黎！
1.5-4歲係感官敏感時期，要趁機加以培養呀！
[版主回覆12/28/2009 22:12:00]聖誕假期我哋再拎出嚟玩, 晢晢一口氣玩咗7套咭呀! 今次晢晢終於認到鼻寒聲啦, 可能因為爸爸喺度啦~!
感官敏感時期，要趁機加以培養呀！>> 點培養呀??? 又要請教你啦~!
我同Anna玩现实版What's the sound好耐喇...虽然无道具,用耳仔听吓日常生活发出既声音,Anna已经超有兴趣喇~!有机会同晢晢较量吓先~!
回覆刪除[版主回覆12/28/2009 22:17:00]哈哈~! 好呀!!! 不過Anna要讓下晢晢wor~!
其實諗返晢晢好早之前都好鍾意扮聲(例如車聲, 動物叫聲, 水聲, 地鐵臨閂門前o既嘟嘟聲...), 不過媽媽後知後覺, 而家先話佢敏感~~~ heehee~~~
咪就係同佢聽多d聲音，好似去街可以叫佢聽下有無小鳥叫聲？上次曉詠一聽，即刻扮到小鳥叫！
回覆刪除觸覺就係俾佢摸多d不同質料的物品啦！出街我們都會在乾淨範圍讓曉詠摸，如樹身呀！樹葉呀！石頭咁！咩都得，曉詠最初好驚毛毛，咪俾佢摸下摸下就唔驚。
最緊要大人要先有敏感的心，立即跟小朋友玩！
係wor！又話聖誕節約出黎？
[版主回覆12/29/2009 23:28:00]收到! 媽媽會努力架啦!!!
係wor, "聖誕節約出黎"...冇咗件事tim! 不如等我星期六short week去你度/去我度呢~!? 我好似下下個SAT就係short week~! 返去check下話你知~!