8小B生日船P - 05.12.09

12月5日呢日, 晢晢B約埋成班同學仔齊齊開2歲Birthday Party~! 呢次Party非常特別, 因為我哋舉行o既場地係喺隻船上, 而當晚又有東亞運動會開幕煙花睇, 真係令人難忘~! (真的感謝各位媽媽細意的安排~!)

出發前影張全家福先~!

船未到, Anna拎咗個波波出嚟同大家玩~!

終於上船啦~! 媽媽同晢晢齊齊欣賞維港景色~!

咁靚o既環境下開Birthday Party, 呢8個小B真係好幸福啊~!

借咗人哋個女小逸扮一家四口~! 兩「兄妹」好和睦呢~!(發夢中)

呢個小逸成晚都十分活躍, 好少見佢行, 因為成晚都不停跳跳跳! 連係甲板上都不停跳! 佢爸爸媽媽幾驚佢跌落海呀~! 最後仲跳到嘔! 嘔完又跳過~! 笑C媽媽啦~!

開船其間, 我哋一家三口齊齊坐定定喺船倉內, 有部份叔叔姨姨就爬咗上甲板, 晢晢見人哋爬高竟然指住大聲叫:「高高呀! 危險!」~~~ 哈哈~! 晢晢你真係惡~! 你知危險咁唔該你唔好成日爬高高啦!

船停定後, 我哋一家三口都出動上甲板, 晢晢一上到去就十分興奮~! 景色實在係好靚~!

從甲板望出去就係呢個景啦~!!!

爸爸話好難同煙花「合照」wor, 但留念啫~ 呢兩張我都收貨喇~!

呢兩張爸爸係醜怪d, 但同爸爸+靚景合照嘛, 所以都收貨~!

煙火盛放一刻, 媽媽不停同晢晢講:「晢晢HAPPY BIRTHDAY~!」

到是晚戲肉---切蛋糕啦~! 不過當我哋好開心睇緊風景時, 突然聽到CARMAN EE大叫:「唉吔!」, 原來佢親眼目睹我哋個三層大豬仔蛋糕跌爛咗呀! 雖然有點可惜, 但唔打緊, 咁樣更加難忘~!

比較完整的部份, 照切可也~!

小朋友一樣咁開心~!

7小B的合照, 左起嵐嵐, Anna, 穎穎, 曈曈, 晢晢, 卓卓, 小逸... 嫣嫣剛剛瞓著咗...

唔怕, 呢度補返~!

各位小朋友

祝你哋生日快樂!

身體健康!

聰明伶俐!

快高長大!

呢晚真係玩得非常開心, 非常難忘, 連爸爸都話:「不如我生日都租隻船咯! 」(爸爸12號生日, 即晢晢生日6日後...), 媽媽話:「租隻船? 你諗住搵邊個同你慶祝呀?」爸爸:「我哋兩個lor!」媽媽:「啋你都傻!」哈哈~!