結婚4週年了~! 18.12.09

唔經唔覺就結咗婚4年… 有朋友同我講, 佢唔會同老公慶祝週年紀念, 只會慶祝結婚「三年零八個月」紀念, 因為兩夫妻要「捱」過相處歲月, 好比抗日戰爭… 哈哈, 朋友係誇咗dd, 不過其實媽媽都有同感啊…

嘻嘻~~~ 都係唔好講衰嘢喇~! 其實今年都冇咩特別慶祝, 只係放工後同爸爸齊齊去食川菜, 食飽就返屋企~! 媽媽連禮物都冇預備到呀, 只係好醒咁為唔多識趣o既爸爸找借口, 幾日前通知定佢:「我個散子包已經爛到救唔返喇!」爸爸答一句:「爛咗呀, 咁我送個畀你lor~!」, 所以今年媽媽喺刻意安排下就收到份散子包作為結婚4週年禮物喇~! 

雖然唔係咩名貴嘢, 但爸爸話呢個散子包係同晢晢一齊出去買, 仲係晢晢揀添架~! 咁一份禮物有兩份心意~~ ummm~~收貨啦!  

無無聊拎返張結婚相睇~ 媽媽都冇咩點變丫~!