平安夜前夕, 我哋一家三口冇覺好瞓, 因為晢晢咳通頂(慘!)
! 媽媽被嘈醒後, 因為擔心晢晢情況所以一直返瞓唔到, 而爸爸亦有幫手輪流觀察晢晢情況直到天光… 所以我哋一家要帶住十級疲倦渡過平安夜… (仲要返工添呀!
)
24號呢日媽媽放1點, 而爸爸就要返大半日, 所以媽媽一放工就急急腳搭西鐵返大西北接仔, 然後單拖帶晢晢到爸爸公司會合。 雖然車程只係約大半個鐘, 但都夠媽媽「膽戰心驚」
, 事關今時今日o既晢晢扭起計上嚟唔係人咁品
! 幸好順利過渡~! 
會合後, 跟爸爸吃個TEA / LUNCH就齊齊到尖沙咀睇燈飾, 今年係晢晢第一次啊~!
全家福當然唔少得~! 
唔知幾時學埋ｄ埋表情~!
晢晢:「成條彌敦道我玩晒~ 勁呢!!」(呢批相好珍貴架, 因為拍攝冇耐就有警察叔叔勸籲要返上行人路, 其他人想影都冇啊~!)
不過只剛行完尖東, 晢晢就瞓到變豬咯
(緊係啦, 成朝冇瞓過, 又病!), 之後爸爸係咁易同媽媽拍多幾張相就去醫肚(其實因為太攰所以要搵地方抖抖
), 點知沿途間間食肆都大排長龍
, 唯獨呢間CHARLIE BROWN CAFÉ一入到去就有位, 所以就一於試下啦~! (唔係人哋唔好生意, 只係我哋早到一步, 坐咗一陣已經爆滿!)
呢度環境好特別, 食物味道亦都唔錯!
爸爸order的美食! 媽媽好鍾意個三文魚芝士焗飯(左上圖)~! 
呢度咁得意, 晢晢見到一定好開心… 可惜瞓咗…
食飽飯, 見時間尚早, 媽媽就提意到九龍灣, 諗住支持下教會弟兄姊妹喺德福商場o既表演, 但爸爸怕騰來騰去, 二來晢晢又病, 三來又攰, 四來媽媽風濕發作(右膝及左腳跟疼痛) … 五來… 六來… 一大堆理由之下, 都係打道回府喇… 瞓飽第二日聖誕節再玩過!!! 
沒有留言:
張貼留言