呢日係星期二, 通常weekday爸爸都要工作到凌晨先返屋企, 晢晢當然瞓咗… 不過呢晚爸爸九點多就返到, 晢晢見到爸爸好開心啊~! 
爸爸同晢晢玩咗一陣, 因為仲未食飯, 所以就煮咗個丁丁麵食, 晢晢見到又話:「我要食麵麵呀!
」仲走埋入廚房示意要拎碗同义要同爸爸分享~!
雖然丁丁麵冇乜益, 但難得兩父子相聚, 媽媽就話:「好啦, 媽媽夾d畀你啦~!
」不過衰衰o既爸爸竟然話:「吓~ 我唔夠飽喎!
」哈哈~! 真係激C人! 
本來媽媽只安排晢晢自己坐枱凳食, 爸爸就坐梳化食, 但晢晢竟然堅持:「(拍拍對面個位)凳凳, 擺, 爸爸坐, 食麵麵!
」(意思應該係: 爸爸, 你去擔張凳, 擺低碗麵, 然後坐我對面齊齊食麵麵啦!) 哈哈~! 晢晢真係超級可愛!!! 
晢晢真係直到爸爸坐低先開始食麵架~!
場面好溫馨啊~!
晢晢見爸爸停晒手, 就話:「食晒?」然後就舀自己碗中o既麵畀爸爸食…
當晢晢清晒碗麵後, 竟然主動執枱!!! 仲堅持唔准媽媽幫手! 當清晒枱面上物件, 就同媽媽合力搬枱凳返原位, 晢晢對自己表現非常滿意, 完成後畀咗個充滿自信o既笑容畀我哋! 晢晢真係好乖仔啊!!!
呢一晚, 雖然只係一碗麵… 但就令媽媽好感動…
感動, 係因為晢晢渴望同爸爸「牚枱腳」…
感動, 係因為晢晢見到爸爸碗麵食晒時願意分享自己的畀爸爸食…
感動, 係因為晢晢願意主動收拾餐具同枱凳…
感動, 因為呢個家有愛…
感謝主!
沒有留言:
張貼留言