晢晢下星期一就開學, 媽媽大前晚終於的起心肝漏夜同晢晢改短條校褲… 
要知道晢晢套價值約一千元o既校服, 只著今年2-4月一d都唔化算! 
所以唯有買大一年size(媽媽搵咗大晢晢一年o既Yoyo表姐試身, 再預長dd, 因為表姐比較細粒~!), 等下年可以著得返~! 所以媽媽要做女紅喇~! (「女紅」呢個TERM喺年多前喺forum學架~!
)
一共要改短7cm, 即明年今日, 晢晢會高7cm, 小朋友大得真快~! 
完成啦~! 手工都唔錯架~! 不愧為家政全級第一(N年前..) 寶刀未老~! 
晢晢, 唔知你正式著起呢套校服時會點呢? 媽媽今日遞咗假紙, 下星期媽媽親自帶你返學, 接你放學, 好唔好? 你要乖啊~!
小記: 晢晢今日無啦啦發燒, 醫生話佢感冒, 但其實一滴鼻水都冇... 唔知咩事呢? 唔通係出牙? 因為晢晢同一時間爆緊4隻小臼齒啊... ummm.... 希望晢晢快d好返啦~!
沒有留言:
張貼留言