趣事兩則

趣事一: 餵魚魚食mum mum

已經兩歲o既晢晢, 開始鍾意玩模擬遊戲, 飲空氣水, 食空氣飯, 睇空氣書時時都有~!

某一晚, 晢晢拎咗個湯麵造型o既磁石貼去「餵魚」, 邊餵邊講:

「魚魚食麵麵啦… 呀呀呀… 食啦… 要唔要菜菜呀? Um~ 搞掂! 要唔要水水呀!?」

轉個頭就去咗拎個汽水造型o既擦膠叫魚魚:

「飲水水啦~! 咕lu咕lu~ 搞掂! 」

晢晢, 你真係好搞笑!

 

                                   

 

趣事二: 咩事呀!?

近來媽媽時時扮可憐, 叫晢晢HUG HUG安慰媽媽…

媽媽:「嗚… 媽媽唔開心呀! HUG HUG丫」

然後晢晢就會走埋嚟攬住媽媽:「嗯嗯嗯… 噯噯噯…」

攬咗廿秒後, 晢晢彈開問:「咩事呀!?」

哈! 居然識關心人~!

媽媽:「冇事唔攬得o既咩!? HUG HUG!」

呢次晢晢啋媽媽都傻, 笑兩笑就走人~!

哈哈~~ 好過癮~!