數學大師 3+

<數學大師 3+>呢本書係11月時曉詠媽送畀晢晢o既見面禮, 其實當時媽媽一打開時已經雙眼發亮, 因為製作實在好精美! 而且好玩! 內容又十分豐富! 實在係給幼兒學習數學o既好書!!!

只見一本書已經包含咁多配件就知有幾吸引! 最重要係物超所值!!! 媽媽知道價錢後, 就即刻托晢晢大伯買埋同系列 5+ 同 7+ 返嚟守下門口!! (哈哈!!! 又老點大伯添~ 鬼叫佢公司就喺附近咩~!)

晢晢最初睇3+時, 最鍾意係「拉青蛙落水」, 拉親都會笑到卡卡聲! 仲有就係指出書中佢認得o既東東, 不過對數學理解上就比較模糊~! 不過接觸咗一段時間, 晢晢開始白明多咗, 有時會跟媽媽一齊數下有幾多隻蝸牛/蝴蝶/魚/蛇, 又會做配對/分類(主要是圖形), 仲學會分短/長/較長/最長… 仲有學會分大小, 上下等… 仲有好多, 不能盡錄!!!

向下一拉, 上面的青蛙就會「跳落水」!

不同的動物分佈不同地方, 有D更會更加隱藏在葉下, 小朋友要仔細尋找先能發現, 令遊戲變得更有趣! 晢晢會找出同類的然後大叫:「一樣啊! 呢度又有啊!」, 有時又會跟媽媽一齊數有幾多隻同類o既動物!

呢一頁係教小朋友分辨海/陸/空的動物… 媽媽:「蜻蜓應該放喺邊呀?」 晢晢:「sky!」然後就會將蜻蜓放到天空中(攝喺白雲裡)

呢個模版可讓小朋友模寫數字, 暫時未適合晢晢玩, 所以收起咗!

仲有許多有趣遊戲, 不能盡錄! 總之, 呢本書真係好好玩!!! 好益智!!! 真感激曉詠媽啊!!!