Thomas Puzzle

砌圖有助邏輯思維發展, 媽媽一早就想買份適合o既畀晢晢玩! 之前都有朋友送咗好幾份(數落原來都有成十幾份!), 基本上要拼去邊個位置晢晢係知道o既, 但要接合一凹一凸o既Puzzle, 晢晢雙小手仲未control得好好, 好多時都要媽媽協助先合併到, 玩得未夠盡興! 所以媽媽依然四處搜羅, 希望搵到一D有個框 + 非一凹一凸切割的puzzle, 咁晢晢就只需看準圖案拼下就搞掂, 唔駛再苦惱點樣接合~!

有呢款就係媽媽所講o既一凹一凸的砌圖~!

記得媽媽細時一屋都係有框Puzzle, 但時下o既小朋友就似乎冇咁幸福咯~! 事關媽媽大大話話都搵咗好幾個月都搵唔到(又唔係完全冇o既, 但大多數都超過12片, 唔啱晢晢呢個年紀玩!)! 直到某日媽媽漫無目的走到書局, 竟然畀媽媽見到呢份THOMAS PUZZEL!

有框, 仲係曲線切割~~ 仲唔係你!?

圖案 – 係晢晢最愛o既THOMAS

設計 – 有框, 仲係曲線切割!

片數 – 一份有4幅, 各4, 5, 6 及 7 片! 啱晒晢晢呢個年紀!

價錢 – 底到爛! 4幅先$30幾蚊!!!

媽媽諗都唔駛諗即畀錢走人!

返到屋企, 即刻開咗4片的畀晢晢玩, 晢晢好鍾意, 不過都唔係砌得幾好~!!

玩咗幾日, 媽媽再開埋5片果一幅, 估唔到一開就砌到! 但都要媽媽協助先放得準確~!!

依家媽媽時不時會同晢晢對戰, 搬張枱仔出嚟打對面坐, 然後一人一幅鬥快砌好, 完成就交換再砌過~! 重複練習下, 晢晢已經純熟不少啦~!(殊~唔好話畀晢晢知媽媽讓佢半臂呀!)

買到呢份THOMAS砌圖就夠媽媽開心半日~ heehee~!

 

後記: 晢晢喺上星期日借Anna幅puzzle玩時, 先發現原來晢晢隻小手已經懂得砌凹凸型o既puzzle, 明白要拎起一片, 然後從上對準放下, 而唔係過往咁, 格硬從右至左或左至右「對」入去~! 小朋友o既發展速度真係唔可以睇小!