德怡PLAYGROUP – 第三堂 16.01.10

呢堂已經係第三堂, 但媽媽只係第1次帶晢晢返學咋~!  

一早起身, 同爸爸嘆完個早餐就齊齊到學校, 因為時間尚早, 爸爸都陪咗晢晢一陣, 完咗一節先返工~!

婆婆所言非虛, 晢晢果然係班上活躍份子! 成堂都好開心走來走去, 又不停地大笑、大叫、大跳! 不過又未至於失控, 每個環節都好投入~!  

呢度型式比較自由, 跟幼兒樂園有D唔同, 要求小朋友坐定定o既時間唔多(好似只有做圖工同食茶點先要坐定定), 大多數都係畀小朋友喺遊戲/唱唱跳跳中學習~! 而Ms. Anna都帶得唔錯, 聲線/表情都能夠吸引到小朋友(d英文晢晢都聽得明, 亦有react~!), 而且都算兼顧到每一位小朋友! 不過始終一班人太多, 有少許混亂, 但對媽媽嚟講, 係可接受程度~! (或者媽媽要求不高, 但求晢晢開開心心, 又鍾意呢間學校就滿意了~!)

今堂Ms. Anna主要教Alphabet A - H, colours of rainbow等, 雖然呢d晢晢一早都學會, 但冇問題吖, 晢晢依然開心! 茶點時間仲好好胃口, 食咗大半個蛋糕 + 1大杯水! (之前明明食咗早餐架!?)

晢晢的圖工 – RAINBOW! 爸爸話似Pizza多d喎~! 

 

今堂又唱咗幾首歌仔, 其中一首似乎晢晢好鍾意, 放學o既路上不停唱住 「Where is Adrian?  Where is Adrian ? HERE I AM. HERE I AM. How are you today? Very Well I thank you. Run away~ Run away~!」仲做埋動作, 好得意~!  

1小時15分鐘o既課堂好快就結束, 又要等下一堂啦~!