平時正正常常就大概9點半食奶, 刷牙, 講故仔, massage... 10前就會瞓著。
唔正常呢, 就拖到11點幾睇埋幾隻world family都未瞓!
(不過又唔常見o既~!)而近來, 晢晢係7點幾8點就會瞓著, 一瞓就瞓到第二朝7點, 連平時臨瞓要食o既7oz奶都唔駛食! 尋日仲誇張, 游完水5點多就瞓, 晚飯同奶都冇食就瞓到今朝7點~!
慣常工人姐姐由婆婆屋企帶晢晢返到我屋企大概8點半, 一開門, 晢晢就已經瞓咗...
是好, 我輕鬆好多, 尤其近來爸爸忙於工作, 經常夜歸... 而且醫生曾經講過晢晢好有可能係因為長期睡眠不足導致體重增長欠佳, 因為晢晢一向較少小睡時間... 而家瞓多咗, 話唔定會長返多少少肉~!
不好, 就係我少咗好多親子時間... 除咗weekend, 每日就只得朝早半個至一個鐘時間同晢晢玩呀, 睇書呀, 溫習生字...
晢晢以後會唔會都係咁早瞓呢? 佢仲會唔會食返臨瞓支奶奶呢? 會唔會天氣涼返d佢就唔會咁呢?
晢晢呀, 媽媽好想陪你玩吓啊! (或者係媽媽想晢晢陪多d!
) 咪日日都都咁爛瞓啦, 一個星期畀一日我都好掛~~~ 
沒有留言:
張貼留言