媽媽照顧晢晢一向都小心為上, 啱啱o既星期日, 約咗嫲嫲一齊食lunch, 嫲嫲就買咗晢晢最鍾意食o既車厘子畀晢晢, 我本來準備同晢晢去核時, 爸爸竟然二話不說原粒畀晢晢食! 
爸爸話佢信晢晢識吐核wor...
晢晢一路食我就一路提心吊胆! 好驚佢啃親! 我就係咁叫晢晢: "lur啦, lur出嚟啦", 晢晢就係咁邊拎頭邊"妹"粒車厘子! 我怕晢晢以為我搶佢而格硬吞, 我就冇講嘢! 眼都唔斬睇到實! 隔咗一陣, 晢晢果然lur咗粒"妹"得乾乾淨淨o既核出嚟~! 爸爸即話: "都話晢晢識架啦!" 之後再試多5-6粒晢晢都係順利咁吐核! 厲害! 媽媽低估咗你tim~! 
晢晢, 你又喺度話畀媽媽聽你大個仔喇~! 雖然每次你做到某些事時媽媽都會好欣喜, 但又會好傻咁諗~~ 唔捨得你大得咁快~! 晢晢, 無論你幾多歲, 你永遠都係媽媽心中o既寶貝晢晢B~! 
叻仔WOR！識LUR核！
回覆刪除同我上次睇一一食車厘子一樣....一邊睇佢食, 一邊提心吊膽....其實一一好早已經識lur核, 但係每次都唔放心咁樣俾佢食....其實係適當時候要學識放手, 等佢好好學習下....呢樣野我就缺乏經驗啦....
回覆刪除Anna早几日都比我发现好似识吐骨,食大人既排骨粥时混咗粒小骨系肉入面,以为Anna 唔食肉所以吐出来,先发现原来系骨...小朋友突然的发展真系令你有惊喜
回覆刪除如果唔係爸爸勇於嘗試我都唔估唔到晢晢識吐核, 今晚我都踏出一步畀晢晢食原粒龍眼~~~
回覆刪除我曾經想畀囡囡嘗試...結果被99話太危險了... 遲d先....
回覆刪除[版主回覆08/06/2009 00:26:00]畀著我, 我都會好擔心而唔敢試, 只係爸爸夠勇咋~!
我覺得就算試都要喺佢情緒好穩定, 又坐得定定哋時先好試, 否則都真係危險咗D~~.