尋晚爸爸工作到凌晨1點多先返, 但因為佢要有口齒! 所以佢點攰都要裝好張新書枱同木架先可以瞓, 都砌到成3點幾先可以撻上床呀陰公... 
(爸爸一個人砌架咋~!)
今朝一起身, 晢晢見到張新書枱已經急不及待霸住嚟坐, 佢似乎好鍾意呀~!
之後我就將d玩具一件件咁放好喺木架上, 晢晢經指導過後, 已經學識將玩完o既玩具放返入木盒然後放返原位木架上, 而唔係再放喺大雜會玩具膠箱~! 醒目~! 
喺木架其中一件"玩具"係之前喺10蚊店買落o既豉油樽, 我將個有水o既樽連埋一隻水杯放喺個木架上, 晢晢好快就發現咗, 仲成盆搬去書枱度開始玩自斟自飲, 佢玩得好開心呀~! 不過亞仔, 第時帶你出街食飯時唔好立亂斟人哋d豉油飲呀~! 
晢晢飲晒成支豉油... 唔係...係水之後就再拎積木玩, 其實晢晢一向都唔多鍾意玩積木, 不過今日又難得自己hum hum聲疊咗五舊, 唔通呢d就係新c坑o既魔力~!? 
因為晢晢小天地仲有一段距離先完工, 尤其睡房區仍然非常惡劣, 所以暫時未有成形照睇, 希望呢個weekend可以搞掂晒啦~! 到時再畀d開幕照同大家分享~! 
沒有留言:
張貼留言