揭揭咭製作過程

有朋友問開如何製作揭揭咭, 就開一版講解下啦~!

預備材料:

F4硬咭紙, 長間尺, cutter, 膠紙, 白色A4紙, 圖片/識字咭

製作過程

先將一張F4 size的硬咭紙一份為三~! 我試過A4一分為三效果太窄, 一份二又太浪費, 所以最後揀咗F4~!

 

然後對接~! 記得唔好對齊, 要預留大概2mm位置方便寶寶揭咭~!

 

到字o既部份喇~!我每張A4紙只會print兩個生字, 用excel對位, print咗出嚟對接一cut就搞掂~! 不過貼上咭紙時仍需作少少修飾, 因為會長咗些少~! 圖中字o既大小我較到85, 但我仍略厭太小, 新一批已較到95~!

 

呢個就係字o既背面, 現時只係就咁用膠紙貼上, 唔太美觀, 但呢個做法可慳不少時間! 而且呢d不足都冇影響晢晢學習~!

 

到圖片部份喇~! 因為呢d現成識字咭背面都印有寶貴o既知識~! 我唔捨得就咁貼上咭紙上, 所以我就上下貼上橫軸, 然後將圖片攝入去~!

 

就係咁攝喇~!

 

呢個係識字咭o既背面~!都幾多嘢學架~!晢晢大個d再教佢~!

 

以上就係我製作中文揭揭咭o既過程, 如果造英文揭揭咭就更簡單! 就咁上網download 字咭(我揀1張A4已有4張圖果款), 用printer print完就咁貼上咭紙即可! 唔駛整兩條軸咁煩~!

其實整揭揭咭我仍係摸索中, 所以整得唔好就請各位多多包涵喇~! 或者有更好建議歡迎提出呀~!

失禮晒~!

 

順帶一提, 我print咗o既生字會keep喺自己個excel file唔會delete, print咗會填黃色, 晢晢學會咗就填藍色, 避免重複之餘仲方便我紀錄晢晢學習進度~!